Қарағанди вилоятида саноат чиқиндилари йўл қурилишида фойдаланилади

QARAǴANDY. Kazinform – Қарағандида корхоналарнинг ишлаб чиқариш чиқиндиларидан ҳудудий йўлларни қуришда фойдаланиш бўйича меморандум имзоланди. Битим вилоят экология бошқармаси, «ҚазАвтоЖол» акциядорлик жамияти, саноат корхоналари ва йўл хўжалиги корхоналари томонидан имзоланди, деб хабар беради Kazinform мухбири.

Ҳар йили Қарағанди вилоятининг саноат корхоналари 60 млн тоннагача чиқиндиларни ишлаб чиқаради. Улардан фойдали эҳтиёжлар учун фойдаланиш мақсадида 2019 ва 2020 йилларда вилоятдаги энг йирик корхоналар ҳам шундай меморандум имзолаган. Натижада 175 тонна ишлаб чиқариш чиқиндилари утилизация қилинди. Жорий йилда меморандум доирасида йўл корхоналари «Жезқазғон – Қарағанди» йўли қурилишида 260 тоннадан ортиқ чиқиндилардан фойдаланиш ниятида.

«Саноат чиқиндиларини утилизация қилиш, йўллар қурилишида фойдали қазилмалардан фойдаланишни қисқартириш, ландшафт ва атроф-муҳит яхлитлигини сақлаш каби муаммолар ҳал этилади. Бўлимимиз қурилиш ташкилотлари билан мунтазам иш олиб боради. Келгусида қурилишга катта ҳажмдаги ишлаб чиқариш чиқиндиларини жалб этиш режалаштирилмоқда», - дейилади Қарағанди вилояти экология бошқармаси.

Муаллиф: Агата Мухамеджанова