Қарағанди вилоятида 1000 километрдан ортиқ йўл таъмирланди
ASTANA. Kazinform — Асосий лойиҳалар қаторида “Қараганди – Балқаш” автомобиль йўлини реконструкция қилиш ҳам бор. Бугунги кунда асфальтнинг юқори қатламини ётқизиш ишлари якунланди. Бу ҳақда марказий коммуникациялар майдонида ўтказилган матбуот анжуманида Қарағанди вилояти ҳокими Ермағанбет Бўлекпаев маълум қилди.
Ҳокимнинг сўзларига кўра, “Қарағанди-Қарқарали” автомобиль йўлининг 115 километри ўртача даражада таъмирланган. Қолган 85 километри эса келаси йили қуриб битказилади.
Келгуси йилда “Қарағанди-Жезқазған” республика йўлини янгилаш режалаштирилган. 570 километр маҳаллий автомобил йўллари таъмирланди.
“Қарағанди аэропортини йилига 50 минг тонна юк ташиш терминалига айлантириш режалари муҳим. Келгусида Хитой-Европа-Хитой йўналиши бўйича самолётларнинг техник қўнишини ошириш режалаштириляпти”, - деди Қарағанда вилояти ҳокими Ермағанбет Бўлекпаев.
