11:50, 21 Январь 2024 | GMT +5
Канвон-2024: Қозоғистон терма жамоаси иккинчи медалга сазовор бўлди
ASTANA. KAZINFORM - Жанубий Кореянинг Канвон шаҳрида давом этаётган ўсмирлар ўртасидаги IV қишки Олимпия ўйинларининг иккинчи кунида Қозоғистон иккинчи медалини қўлга киритди.
1000 метрга шорт-трекда беллашган спортчилардан Полина Омельчук маррага учинчи ўринда етиб келиб, Қозоғистонга бронза медалини тақдим этди.
У 1000 метр масофани 1:41,600 вақт билан босиб ўтди.
Ушбу мусобақада биринчи ва иккинчи ўринларни хитойлик спортчилар Цзинцзы Ли ва Цзиньчжу Ян қўлга киритди.
Эслатиб ўтамиз, кеча Олимпиаданинг биринчи кунида Қозоғистон терма жамоаси аъзоси Илья Мизерних трамплиндан чанғида сакраш бўйича илк олтин медални қўлга киритган эди.
