«Канело» Головкин билан учта жангдан қанча даромад олади

NUR-SULTAN. Кazinform - Мексика ОАВлари уларнинг ҳамюрти Сауль «Канело» Альварес қозоғистонлик рақиби Геннадий Головкин билан учта тўқнашувда жами қанча маблағ олишини ҳисоблаб чиқди, деб хабар беради Kazinform Sports.kzга таяниб.

Боксчиларнинг рингдаги илк учрашуви 2017 йилда бўлиб ўтган, «Канело»нинг бунинг учун тўлови тахминан 40 миллион долларни ташкил қилган. Унинг натижаси баҳсли дуранг бўлди.

Бир йил ўтгач, реванш жангида Альварес кўпчиликнинг қарори билан ғалаба қозонди ва яна 30 миллион доллар ишлаб олди.

GGG ва «Канело» ўртасидаги учинчи жанг 17 сентябр куни бўлиб ўтади. Промоутер Эдди Хирн аввалроқ Альварес янги шартномасига кўра, 2022 йилда учта жанги учун 160 миллион доллар олишини айтганди. Шу тариқа, Головкин иштирокидаги трилогия финали мексикаликларга чипталар сотуви ва пуллик трансляциялардан фоизларни ҳисобга олмаганда 50 миллион доллар олиб келади.

Умуман олганда, Геннадий Головкин билан учта жанг Альварес ҳисобига камида 120 миллион доллар қўшади.

Фото: sports.kz