«Канело» Головкин билан учинчи жанг нима учун кераклигини ошкор қилди

NUR-SULTAN. Kazinform – Ўрта вазн тоифасида барча асосий чемпионлик унвонлари соҳиби Саул «Канело» Алварес Геннадий Головкинга қарши учинчи марта жанг ўтказишга, биринчи навбатда, уларнинг тўқнашувини яна бир бор кўришга иштиёқманд мухлислар учун рози бўлишини маълум қилди. Бу ҳақда Kazinform Sports.kzга таяниб хабар берди.

GGG ва «Канело» сентабр ойида жанг қилиши мумкин. Қозоғистонлик ва мексикалик ўртасидаги дастлабки жанг дуранг билан якунланган, иккинчи жангда Алварес кўпчилик ҳакамлар қарори билан ғалаба қозонди.

«Бизнинг жангимиз уни яна кўришни истаганлар учун бўлади. Бу ўзига хос жангдир, чунки одамлар бу жангни кўришни хоҳлайдилар», - деди «Канело» ESPNга берган суҳбатида.