Қандли диабет билан оғриган беморлар учун етарли миқдорда дори-дармонлар мавжуд - ҚР ССВ

NUR-SULTAN. Kazinform – Амбулатор дори воситалари билан таъминлаш доирасида қандли диабетни даволашда қўлланиладиган таркибида инсулин бўлган дори воситалари ва тиббий буюмлар етарли миқдорда мавжуд. Бу ҳақда ҚР Соғлиқни сақлаш вазирлигининг дори сиёсати департаменти бошлиғи Бауиржан Жусипов маълум қилди, дея хабар беради Kazinform мухбири.

«Амбулатор дори-дармон билан таъминлаш доирасида 10 га яқин турдаги инсулин билан таъминлаймиз. Бундан ташқари, қандли диабетга чалинган беморларга таркибида шакар бўлган препаратлар ва айрим тиббий асбоблар бепул тақдим этилади. Амалдаги қоидалар доирасида биз глюкометрларни бепул бермаймиз. Бу дори воситалари билан таъминлаш рўйхатига киритилмаган», - дея тушунтирди дори сиёсати бўлими бошлиғи.

Маърузачининг сўзларига кўра, тиббиёт ташкилотларида икки ойга яқин дори воситалари мавжуд.

«Умуман олганда, амбулатор дори-дармон билан таъминлаш доирасида қандли диабет касаллигини даволашда қўлланиладиган инсулин сақловчи дори воситалари ва тиббий асбоблар етарли миқдорда», - дея қўшимча қилди спикер.

Муаллиф: Арайлим Мурат