Қанча бола мамлакат ичида бепул саёҳат қилди
ASTANA. Kazinform - Бу йил Kids Go Free давлат дастури доирасида 2172 нафар бола Қозоғистон бўйлаб бепул саёҳат қилди.
Туроператорлар болалар авиачипталари нархини ҳисобга олмаганда 415,6 миллион тенгега турлар сотган. Авиачиптанинг 114,5 миллион тенге қиймати давлат томонидан қопланди. Бу умумий сотилган турнинг 28 фоизини ташкил этади.
Дастур ички туризм ва оилавий саёҳатни ривожлантиришга қаратилган. Яъни, қозоғистонлик оилаларига мамлакатнинг энг гўзал ва қизиқарли жойларини кўриш ва танишиш имконини беради.
Kids Go Free дастурининг энг кўп сўраладиган манзили сифатида Алакўл кўли қирғоғи биринчи ўринда туради. Ўтган йилга нисбатан Алакўлга сотилган турлар сони 20 фоизга ошди. Яъни, жорий йилда 700 нафардан ортиқ бола Алакўлга бепул саёҳат қилди.
Кейинги босқичда Алмати ва Алмати вилоятига яқин ҳудудлар жойлашган. Бу ҳудудга ташриф буюрувчилар сони ўтган йилга нисбатан 24 фоизга ошди. Бу йил 330 дан ортиқ оила Алмати ва Алмати вилоятига саёҳат қилди. Болалар авиачипталари учун товон пули 41,6 миллион тенгени ташкил этган бўлса, турлар 135,3 миллион тенгега сотилган.
Щучье-Бурабай курорт зонаси ва Астана шаҳри ҳам Kids Go Free дастурининг энг машҳур йўналишларидан бири ҳисобланади. Бу ерда ёзги ва қишки таътилга талаб катта.
Таъкидлаш жоизки, 2023 йилда дастур доирасида 920 та экскурсия аризаси маъқулланиб, 1975 нафар бола мамлакатимиз бўйлаб бепул саёҳат қилди.
