Канар оролларидаги ўрмон ёнғинлари туфайли минглаб одамлар эвакуация қилинди
Ёнғин 4500 гектар майдонни қамраб олган, ўндан ортиқ уй вайрон бўлган. Ёнғинни ўчиришга турли идоралардан 400 га яқин ҳарбий хизматчилар жалб қилинган, дея хабар беради Kazinform ВВC агентлигига таяниб.
Расмийларнинг айтишича, тахминан 4255 киши эвакуация қилинган, қолганлари эса кетишдан бош тортган. Ёнғин шимоли-ғарбий Пунтагорда муниципалитетидаги Эль-Пинар туманида бошланган, сўнгра жанубга, Тихарафе шаҳри томон тарқалган.
Қоронғи тушмасдан ёнғинни ўчириш учун гидроплан жалб қилинган. Маҳаллий матбуотнинг ёзишича, якшанба куни операцияга яна бир гидроплан қўшилган.
Қизил Крест эвакуация марказини ташкил қилди. Испания вакиллари ёнғиндан жабр кўрган аҳолига ҳамдардлик билдириб, орол ҳукуматига барча зарур маблағларни беришга тайёр эканликларини билдирди.
Ёнғин Европанинг жанубий қисмида ҳаво ҳароратининг кескин кўтарилишига сабаб бўлган жазирама оқибатида пайдо бўлган.
