Канадалик таниқли актёр Дональд Сазерленд вафот этди

ASTANA. Kazinform - Машҳур канадалик актёр Дональд Сазерленд 88 ёшида узоқ давом этган хасталикдан сўнг вафот этди, деб хабар беради Кazinform агентлиги BBCга таяниб.

“Сизларга отам Дональд Сазерленд оламдан ўтганини оғриқ билан билдираман. Шахсан мен уни кино тарихидаги энг муҳим актёрлардан бири деб биламан”, - дея маълум қилди актёрнинг ўғли Кифер Сазерленд.

Унинг қўшимча қилишича, отаси ҳеч қачон яхши, ёмон ёки хунук ролдан қўрқмаган.

Сазерленд 1960 йилларнинг ўрталарида фильмлар ва телевидениеда суратга туша бошлади, 1970 йилларда актёр "Олтин глобус" номинациясини олган "Жанг касалхонаси" фильми билан шуҳрат қозонди. Фаолияти давомида у 150 дан ортиқ асарларда, жумладан, “Энг яхши таклиф”, “Ҳайвонлар фермаси”, “Мағрурлик ва хурофот”, “Оддий одамлар”, “Очлик ўйинлари” ва бошқа фильмларда суратга тушган.

Сазерленд шунингдек, "Урушга йўл" телефильми учун "Олтин глобус", "Фуқаро Икс" мини-сериалидаги роли учун “Эмми” ва "Олтин глобус"ни қўлга киритган.