Канадалик эркак 14 та қотилликда айбланмоқда

Канада полицияси 57 ёшли Кеннет Лоуни 14 та иккинчи даражали қотилликда айблади. Бироқ полиция қурбонлар кўпроқ бўлган деб ҳисобламоқда, дея хабар беради Кazinform агентлиги BBCга таяниб.

Канадалик детективларнинг айтишича, Кеннет Лоу ўз жонига қасд қилиш учун асбоб-ускуналар ва моддалар таклиф қилувчи бир қанча веб-сайтларни бошқарган.

Эркак аввалроқ ундан интернет орқали ҳалокатли моддани сотиб олган одамларнинг ўлими билан боғлиқ ҳолда ўз жонига қасд қилишга ёрдам берганликда айбланган эди.

Йорк минтақавий полицияси (YRP) инспектори Саймон Жеймснинг айтишича, янги қотиллик айбловлари Онтариода 14 қурбонни ўз ичига олади.

Жеймс "иккинчи даражали қотиллик айбловини тасдиқловчи далиллар олинганини" айтди, бироқ тергов давом этаётгани учун қўшимча маълумот беришдан бош тортди.

Қурбонлар 16 ёшдан 36 ёшгача бўлган одамлардир.

Полиция Кеннет Лоу 40 га яқин давлатга ҳалокатли моддалар солинган 1200 дан ортиқ пакет жўнатган бўлиши мумкин, деб ҳисоблайди.

Британиялик детективлар, шунингдек, Кеннет Лоуни Буюк Британияда 90 кишининг ўлими билан боғлашди.

Канада қонунчилигига кўра иккинчи даражали қотилликда айбдор деб топилса, у умрбод қамоқ жазосига ҳукм қилинади.