Канадада ўрмон ёнғинлари сабабли 6 мингдан ортиқ одам эвакуация қилинмоқда

Канада
Фото: aa.com.tr

ASTANА. Кazinform - Канаданинг Вуд-Буффало муниципалитетининг минглаб аҳолиси минтақада давом этаётган ўрмон ёнғинлари сабабли эвакуация қилинмоқда, дея хабар беради Аnadolu.

CBC News хабарига кўра, ёнғинлар ортидан Форт-МакМюррей ҳудудида “маҳаллий фавқулодда ҳолат” эълон қилинган.

Хусусан, Вуд-Баффало муниципалитети ўрмон ёнғинлари ҳудуди тахминан 21 минг гектарга етиб, ёнғин аҳоли пунктларига яқинлашганидан сўнг Форт-МакМюррей, Бикон Хилл, Абасанд, Прейри-Крик ва Грейлинг-Террас каби ҳудудларни эвакуация қилишни буюрди.

Ҳудудий ёнғин бўлими бошлиғи Жоди Буц журналистларга эвакуация қарори 6000 га яқин одамга таъсир қилишини айтди. Буц ўрмон ёнғинларига қарши курашиш учун етарли ресурслар мавжудлигини, бироқ хавфдан ҳимояланиш учун ҳудуд аҳолисини эвакуация қилиш кераклигини таъкидлади.

Сўнгги хабарлар