Канада АҚШга электр энергиясига 25 фоизлик тариф жорий этишдан бош тортди

ASTANA. Kazinform – Онтарио бош вазири Даг Форд президент Дональд Трампнинг Канада пўлат ва алюминийига божларни 50 фоизга ошириш ҳақидаги таҳдидига жавобан АҚШда электр энергияси нархига 25 фоизлик қўшимча тўловни бекор қилишга рози бўлди, деб хабар беради NBC News.

Форд пайшанба куни Савдо вазири Говард Лютник билан учрашишини ва Трампнинг 2 апрелгача жорий қилган "ўзаро тарифларнинг сўнги муддатигача" АҚШ, Мексика ва Канада ўртасидаги эркин савдони муҳокама қилишини эълон қилди.

“Онтарио Мичиган, Нью-Йорк ва Миннесотага электр энергияси экспортига 25 фоизлик қўшимча тўловни бекор қилишга рози бўлди”, – деди Даг Форд.

Бу эълон Трамп Савдо вазирига Канададан пўлат ва алюминий импортига 50 фоизгача бўлган қўшимча божлар жорий этиш бўйича кўрсатма берганинидан кейин эълон қилинди.

Трамп, шунингдек, Канада Америка сут маҳсулотларига 250% дан 390% гача бўлган анти-Америка фермер хўжаликлари тарифларини дарҳол бекор қилиши кераклигини ёзган.

“Агар Канада узоқ вақтдан бери мавжуд бўлган бошқа тарифларни олиб ташламаса, мен 2 апрель куни АҚШ автомобиллари импортига божларни сезиларли даражада ошириб, Канада автомобиль ишлаб чиқаришини тўхтатаман. Бу машиналарни АҚШда бемалол ясаш мумкин!” – дея таҳдид қилди Трамп.

Америка президенти шимолий қўшнини ҳарбий ҳимоя қилиш масалаларини ҳам унутмади.

“Биз Канадага йилига 200 миллиард доллардан ортиқ субсидия берамиз. Нега? Бу жараён давом этмайди. Канада бизнинг севимли 51-давлатимиз бўлиши – мантиқий ягона нарса”, – деди у.