Камчаткадаги Шивелуч вулқони 11 километр баландликка кул сачратди
ASTANA. Kazinform — Камчаткадаги Шивелуч вулқони 11 километргача баландликка кул отди. Бу ҳақда Россия Фанлар академияси Геофизика хизматининг минтақавий филиали хабар берди, деб ёзади ТАСС.
“Кул баландлиги денгиз сатҳидан тахминан 11 минг метрга етди”, — дейилади хабарда.
Ключи аҳоли пунктидаги вулкан станцияси раҳбари Юрий Демянчукнинг айтишича, кулнинг ёйилиши вулқонда янги лава гумбазининг ўсиши билан боғлиқ бўлиши мумкин.
Шивелуч — Камчаткадаги фаол вулқон. Унинг ёши 60-70 минг йил деб баҳоланади. Вулқон Эски Шивелуч, қадимий кальдера ва фаол Ёш Шивелуч қисмларидан иборат.
Шивелуч Усть-Камчатск туманидаги Ключи аҳоли яшаш пунктидан тахминан 50 километр, Петропавл-Камчатскийдан эса 450 километр узоқликда жойлашган.
Айтиш жоизки, бундан аввал Шивелуч вулқони 5,5 километр баландликкача кул чиқарган эди. Шу муносабат билан у авиация учун «тўқ сариқ» хавф даражаси белгиланган эди.
