Калифорнияда ёмғир туфайли фавқулодда ҳолат эълон қилинди

Калифорнии
Фото: abc7news.com

ASTANA. Kazinform - Калифорния кучли ёмғир, сув тошқини ва кўчкилардан азият чекди. Штатда фавқулодда ҳолат эълон қилинди, деб хабар беради Kazinform мухбири.

Лос-Анжелес расмийларининг айтишича, буронлар дам олиш куни худудга ёмгир олиб келганидан бери сешанба куни кечкурун 475 та кучки содир булди. 38 та бино кўчкилар ва қияликларнинг бузилиши сабабли текширишни талаб қилади. Ҳозирда тўртта бинога кириш тақиқланган. Фақат бошқа тўққизта бинога нарсаларни олиш учун кириш мумкин.

Шаҳарда 390 та дарахт қулаган ва 441 та йўл шикастланиши қайд этилган.

Якшанба ва душанба кунлари Лос-Анжелеснинг марказига 7,03 дюйм (178,5 мм ёки ҳар квадрат метрга 178 литр сув) ёғди, бу шаҳарнинг 1956 йилдан бери энг ёмғирли икки куни. Лос-Анжелесга бу йил деярли 11 дюйм (279,4 мм) ёки йиллик ёғингарчиликнинг 75 фоизи тушган.

Штатнинг жанубий ҳудудлари ҳам қаттиқ жабрланди. Уч кунлик ёғингарчилик миқдори округ бўйича: Сан-Бернардинода 12,2 дюйм (309,88 мм), Лос-Анжелесда 12 дюйм (304,8 мм), Санта-Барбарада 9,4 дюйм (238,7 мм), Вентура округида 8,7 дюйм (220,9 мм), Лос-Анжелес марказида 7,6 дюйм (193 мм) га ошди.

Сўнгги хабарлар