Jibek Joly сайёҳлик поезди Туркистонга етиб келди
ASTANA. Kazinform - Туризм саноати қўмитаси раиси Нуртас Карипбаев Туркистон вилоятига ташрифи доирасида Jibek Joly сайёҳлик поездида илк саёҳатга отланаётган туристларни кутиб олди, деб хабар беради Kazinform ҚР Туризм ва спорт вазирлигига таяниб.
Туризм ва маданий алмашинувни ривожлантириш мақсадида яратилган янги йўналиш 115 нафар саёҳатчига ўз эшикларини очди. Биринчи рейс йўловчилари бир кун Туркистонда, икки кун Ўзбекистон пойтахти Тошкентда бўлади. Сайёҳларга қулайлик яратиш мақсадида профессионал гидлар иштирокида экскурсиялар ташкил этилиб, қулай автобуслар таклиф этилди.
Қайд этиш жоизки, Jibek Joly туристик поезди Давлат раҳбари Қасим-Жомарт Тоқаев топшириғига биноан, туризмни ривожлантириш стратегияси доирасида ташкил этилган. Лойиҳа янги йўналишларни очиш, икки давлат ўртасидаги маданий алоқаларни мустаҳкамлаш, фуқароларнинг саёҳат қилиш имкониятини оширишга қаратилган.
Эслатиб ўтамиз, аввалроқ Қозоғистон ва Ўзбекистон ўртасида биринчи “Ипак йўли” темир йўл қатнови йўлга қўйилиши ҳақида хабар берган эдик.
