Ижтимоий ҳамён давлат ёрдамининг барча турларини ўз ичига олади
ASTANА. Кazinform – Қозоғистон Республикаси Бош вазир ўринбосари Тамара Дуйсенова Президентнинг янги Мурожаатномаси доирасида аҳолига кўрсатиладиган ижтимоий қўллаб-қувватлаш ҳақида гапирди.
“Давлат раҳбари аҳолини ижтимоий қўллаб-қувватлаш тизими самарадорлигини ошириш бўйича кўрсатмалар берди. Шу мақсадда оиланинг рақамли харитасидаги маълумотларга кўра фавқулодда ва инқирозли тоифага кирувчи оилалар сонини камайтириш бўйича ишлар давом эттирилади. Маълумки, бу чора ҳар бир оила билан индивидуал ишлаш ва уларнинг имкониятларидан келиб чиққан ҳолда давлат томонидан қўллаб-қувватлашнинг энг мақбул турларини таклиф этишга қаратилган”, — деди Тамара Дуйсенова Ҳукумат йиғилишида.
Кейинчалик, вице-премер ижтимоий ҳамён лойиҳасига тўхталди.
“Ҳар бир оилага ижтимоий мавқеига қараб барча турдаги давлат ёрдами тақдим этилади. Шунингдек, давлат томонидан кўрсатиладиган ёрдам миқдори қўллаб-қувватлашнинг амалда кўрсатилиши фактидан келиб чиққан ҳолда тақдим этилади. Ушбу чора-тадбирларни амалга ошириш тегишли қонун ҳужжатларига ўзгартиришлар киритишни талаб қилади. Меҳнат ва аҳолини ижтимоий ҳимоя қилиш вазирлиги тегишли давлат органлари билан биргаликда йил охиригача меъёрий-ҳуқуқий ҳужжатларни қабул қилади”, — деди Т. Дуйсенова.
Эслатиб ўтамиз, Бектенов Ижтимоий ҳамённи 2025 йил 1 январдан жорий этиш бўйича кўрсатма берди.
