Июнь ойида Қозоғистон - Туркия авиарейслари очилади

NUR-SULTAN. Kazinform – Қозоғистон ва Туркия ўртасидаги халқаро рейслар июнь ойи охирида тикланади. Бу ҳақда Индустрия ва инфратузилмаларни ривожлантириш вазири Бейбит Атамқулов Ҳукумат йиғилишида маълум қилди, дея хабар беради Kazinform мухбири.

«Жорий йилнинг 1 майидан бошлаб Нур-Султан ва Алматидан мамлакатнинг 20 шаҳрига парвозлар аста-секин тикланди. Ҳозирда 44 та ички йўналиш бўйича ҳафтасига 349 та рейс амалга оширилмоқда. 188 мингта авиачипталар сотилди.

Бундан ташқари, халқаро қатновларни босқичма-босқич кучайтириш режалаштирилган. Июнь ойи охирида Қозоғистон ва Туркия ўртасидаги халқаро авиарейс қайта очилиши режалаштирилган», - деди вазир.

Таъкидлаб ўтиш жоизки, агар эпидемиологик вазият яхшиланишда давом етса, бошқа давлатларга ҳам авиақатновларни очиш режалаштирилган.