Июл ойида Хитойда COVID-19 омикрон штаммининг ўн тури аниқланган

PEKIN. Kazinform – 6 июл куни Хитойнинг Сиань шаҳрида BA.5 омикрон штамми инфекциясининг биринчи маҳаллий ҳолати тасдиқланганидан бери сўнгги икки ҳафта ичида Хитойнинг материк қисмида COVID-19нинг ушбу штаммининг 10 тури аниқланган. Бу ҳақда Huangqiu Shibao нашри ёзди, деб хабар беради Kazinform.

Нашр маълумотларига кўра, июл ойида материк Хитойда мамлакат бўйлаб кенг тарқалаётган коронавируснинг 10 турдаги омикрон штамми аниқланган.

6 июл куни Сиань шаҳрида (Шаньси провинцияси, Шимоли-ғарбий Хитой) BA.5 омикрон штамми билан касалланишнинг биринчи маҳаллий ҳолати қайд этилди.

Маҳаллий ОАВ маълумотларига кўра, Шанхай, Тянцзин, Циндао, Далянь, Ланьчжоу ва Гуанчжоу каби шаҳарларда коронавируснинг бошқа омикрон штаммлари қайд этилган.

Хитой Халқ Республикаси Миллий соғлиқни сақлаш комиссияси маълумотларига кўра, сешанба куни материк Хитойда янги коронавируснинг 700 дан ортиқ ҳолати тасдиқланган.