Италияда тўлиқ сунъий интеллект томонидан ёзилган биринчи газета нашр этилди
ASTANA. Kazinform - Италиянинг Il Foglio газетаси сунъий интеллект томонидан тўлиқ яратилган биринчи сонини чиқарди, деб ёзади The Guardian.
ASTANA. Kazinform - Италиянинг Il Foglio газетаси сунъий интеллект томонидан тўлиқ яратилган биринчи сонини чиқарди, деб ёзади The Guardian.
Қайд этилишича, сунъий интеллект барча мақолалар, сарлавҳаларни ёзган ва ҳатто кинояли изоҳлар ҳам қўшган,
Il Foglio бош муҳаррири Клаудио Черасанинг таъкидлашича, нашр сунъий интеллект технологиялари замонавий журналистикани қандай ўзгартираётганини кўрсатиш учун ушбу тажрибага журъат этди.
“Бу бутунлай сунъий интеллект томонидан яратилган дунёдаги биринчи кундалик газета: мақолалар ва сарлавҳалардан тортиб иқтибослар ва шарҳларгача,” — деди Чераса.
Il Foglio газетасининг сунъий интеллект яратган махсус сони 18-март куни чиқди. У тўрт саҳифадан иборат бўлиб, ҳам босма, ҳам онлайн шаклда мавжуд.
Муҳаррирнинг тушунтиришича, бу лойиҳада журналистлар фақатгина сунъий интеллектга саволлар бериш ва жавобларни текшириш билан чекланган.
Унинг айтишича, нейротармоқ грамматик хатоларсиз, содда ва тушунарли мақолалар ёзган. Бунда бирорта материалда ҳам одамларнинг тўғридан-тўғри иқтибослари келтирилмаган
Анъанавий журналистикадан фарқли ўлароқ, бу сонда шахсий фикрлар, чуқур таҳлиллар ёки жонли суҳбатлар ўрин олмаган.
Черасанинг фикрича, ушбу тажриба сунъий интеллект янгиликлар яратиш жараёнига қандай мос келиши мумкинлигини тушунишга ёрдам беради.
Эслатиб ўтамиз, аввалроқ Alem.ai халқаро сунъий интеллект маркази очилиши ҳақида хабар берган эдик.
