Италияда мэр озиш учун ҳар ҳафта аҳоли билан сайр қилади

ASTANA. Kazinform - Италиянинг Вальдоббьядене шаҳри мэри Лучано Фрегонезе вазн йўқотиш учун ҳар ҳафта аҳоли билан сайрга чиқади, деб хабар беради Kazinform The Guardianга таяниб.

Лучано Фрегонезе 47 ёшда, вазни 140 кг. Июнь ойида у учинчи марта Вальдоббьядене мэри этиб қайта сайланди. Кейин у соғлом турмуш тарзини олиб боришга ва 90 килограммгача вазн йўқотишга ваъда берди, яъни 10 йил олдин биринчи марта шаҳар мэри этиб сайланганида айнан шу вазнда эди.

Мэрнинг тан олишича, ортиқча вазннинг асосий сабаби унинг ҳаракатсиз турмуш тарзи, дангасалик, жисмоний фаолликнинг камлиги ва мазали таомларни севишидир. 
Лучано Фрегонезе шаҳар деворларидан бирида уни "семиз одам" деб атаган ҳақоратли ёзувни кўрганидан кейин югуришни бошлади. Девордаги ёзув сурати тезда ижтимоий тармоқларда тарқалди.

"Бу мени унчалик безовта қилмади, лекин илҳомлантирди. Дўстим ҳар пайшанба куни кечқурун у билан юришга таклиф қилди ва ўша куни мен маҳаллий аҳоли билан учрашувлар ўтказдим, шунинг учун мен бу икки юришни бирлаштиришга қарор қилдим. 5,5 км масофа тахминан 250 м баландликда юришни ўз ичига олади. Биз буни бир неча ҳафта олдин бошладик. Биринчи юришимда менга 45 киши қўшилди. Бир ҳафта ўтгач, 113 та, ўтган ҳафтада эса 215 киши қўшилди”, - дейди Фрегонезе.

10 мингга яқин аҳолига эга Вальдоббьядене шаҳри Венето ҳудудининг марказида жойлашган.