Италияда фристайл могул бўйича ўтказилган жаҳон чемпионатида Қозоғистон иккинчи медални қўлга киритди

NUR-SULTAN. Kazinform - Қозоғистоннинг фристайл могул бўйича терма жамоаси Италияда бўлиб ўтган ўсмирлар ўртасидаги жаҳон чемпионатида иккинчи медални қўлга киритди, дея хабар беради Kazinform Оlympic.kzга таяниб.

Қозоғистонлик спортчилар аралаш жамоалар ўртасида параллел могул бўйича кумуш медални қўлга киритди. Ушбу турдаги дастурда мамлакат шарафини Анастасия Городок ва Федор Бугаковлар ҳимоя қилишди.

Биринчи ўрин АҚШга тегишли. Америкалик спортчилар яна битта бронза медалини қўлга киритди.

Эслатиб ўтамиз, аввалроқ Анастасия Городок яккалик баҳсларида иккинчи бўлган эди.