Италияда 32 йил қамақда ўтирган одам бутунлай оқланди
RIM. Kazinform – Айбланувчи қамоқда бўлганида унинг адвокати ўзгарди. Шундан сўнг иш қайта кўриб чиқилди, деб хабар берди Euronews.

Ҳуқуқ ҳимоячиларининг фикрича, бу Италия суд тизими тарихидаги энг катта хато.
Римдаги апелляция суди шанба куни деярли 33 йил қамоқда ўтиришга мажбур бўлган одамни тўлиқ оқлади.
Беньямино Зункедду 1991 йил январь ойида Сардиниянинг Кальяри яқинидаги Синнай коммунасида уч кишини ўлдиришда айбланганида атиги 26 ёшда эди.
Эркак бир ой ўтиб ҳибсга олинган, чунки ҳужумдан омон қолган гувоҳлардан бири таниган ва “одам ўлдирган шахс” деб кўрсатган.
1992 йил июнь ойида, асосан, ушбу гувоҳнинг кўрсатмаларига асосланиб, Зункедду жиноятга алоқадорлигини рад этса ҳам, умрбод қамоқ жазосига ҳукм қилинди.
2017 йилда янги ҳимоячи бироз камчиликларни топди. Ва кейинроқ асосий гувоҳ ҳужумчининг юзини кўрмаганлигини тан олди ва кўрсатмаларидан бош тортди.
Унинг сўзларига кўра, полициячилардан бири унга айбдор Зункедду эканлигини айтган.
2023 йилнинг ноябрида Беньямино Зункедду озодликка чиқди ва 27 январда апелляция суди унинг айбсизлигини тасдиқлади.
Ҳуқуқ-тартибот идоралари эса Сардинияда ўша уч кишини ким ўлдирганини аниқлай олмади.