Истанбулдаги черковга уюштирилган ҳужумга алоқадорлик гумони билан 17 киши ҳибсга олинди

АSТАNА. Kazinform – Истанбулда ўтказилган операция давомида Сариер туманидаги Санта Мария черковига уюштирилган ҳужумга алоқадор 17 киши қўлга олинди, деб хабар беради Kazinform агентлиги Аnаdoluга таяниб.

Ҳужум натижасида бир киши ҳалок бўлди.

Хавфсизлик манбаларига кўра, Туркия разведка ташкилоти (МİТ) Хавфсизлик Бош бошқармаси билан биргаликда олиб борилган тергов жараёнида Санта Мария черковига ҳужум уюштирган шахслар аниқланди.

Истанбулдаги операция мамлакат ҳудудида эҳтимолий ҳужумларнинг олдини олиш мақсадида ўтказилди.

Операция давомида 17 нафар гумондор қўлга олинди, манзиллар тинтув қилинганда ташкилотга тегишли кўплаб ҳужжатлар мусодара қилинди.

Туркия разведка хизматлари томонидан олиб борилган ишлар туфайли 2023 йил декабрь ойида ДАИШ томонидан Туркиядаги синагога ва черковлар ҳамда Ироқ элчихонасига қарши режалаштирилган терактларнинг олди олинди. Кўплаб гумондорлар қўлга олинди ва ташкилотга тегишли рақамли материаллар мусодара қилинди.