Иссиқликнинг учинчи тўлқини Италияни қамраб олади: ҳаво ҳарорати 48°C га етади

RIM. ANSA-Kazinform – Италияда учинчи жазирама тўлқини кузатилиши кутилмоқда, бу эса рекорд даражадаги ҳаво ҳароратини белгилайди. Прогнозларга кўра, иссиқликнинг янги тўлқини сешанба куни энг юқори чўққисига чиқади, ўшанда Сардиниянинг жанубий қисмида ҳаво ҳарорати Цельсий бўйича 48 даражага етиши мумкин, деб хабар беради Kazinform ANSA агентлигига таяниб.

Римда ҳаво ҳарорати душанба куни Цельсий бўйича 41 даражага, сешанба куни эса 43 даражага етиб, ўтган ёзда ўрнатилган 40,7 даража Целсий рекордини ортда қолдириши кутиляпти. Мамлакатнинг қолган ҳудудларида ҳаво ҳарорати жуда юқори бўлиши мумкин.

Италиянинг 15 та йирик шаҳарларида қизил даражали огоҳлантириш эълон қилинди, яъни жазирама шунчалик кучлики, у нафақат кексалар ва ёш болаларга, балки бутун аҳолига хавф туғдиради.

Nature Medicine журналида шу ҳафта чоп этилган Барселона Глобал Саломатлик Институти тадқиқотига кўра, ўтган ёзда Италияда жазирама тўлқинлар туфайли 18 мингдан ортиқ одам ҳалок бўлган.

Олимларнинг таъкидлашича, инсоният томонидан юзага келган иқлим инқирози натижасида иссиқлик тўлқинлари, қурғоқчилик, бўрон ва сув тошқини каби экстремал об-ҳаво ҳодисалари тез-тез ва кучаймоқда.