Исроилнинг Иорданиядаги элчихонаси ҳудудида отишма юз берди - ОАВ

ASTANА. Кazinform - Иордания пойтахти Амман шаҳридаги Исроил элчихонаси ҳудудида отишма юз берди. Бу ҳақда Reuters маҳаллий полицияга таяниб хабар беради.

“Иордания полицияси Исроил элчихонаси жойлашган ҳудудни қуршаб олганидан кейин отишма овози эшитилди”, — дейилади агентлик хабарида.

Гувоҳнинг сўзларига кўра, маҳаллий полиция ҳудудни ўраб олган, айтилган ҳудудда хавфсизлик чоралари кучайтирилган.

Дастлабки маълумотларга кўра, отишмада қуролланган шахс ўлдирилган, 3 полициячи яраланган.

Эслатиб ўтамиз, Иордания суди мамлакат парламентининг собиқ депутати Имад ал-Адуанни 10 йилга ҳукм қилди. У Иордан дарёси ғарбий соҳилига қурол олиб ўтишда айбланган.