Исроилнинг Ғазога ҳужуми натижасида БМТнинг минтақавий биноси вайрон бўлди

Исроил армиясининг Ғазо секторига ҳаводан ҳужуми натижасида фаластинлик қочқинларга ёрдам кўрсатиш ва иш ташкил этишни мақсад қилган БМТ Яқин Шарқ агентлиги биноси зарар кўрди, деб хабар беради Kazinform агентлиги Anadoluга таяниб.

Агентлик маълумотларига кўра, БМТнинг Эр-Римал туманидаги қароргоҳи биносига жиддий зарар етган.

БМТнинг Ғазодаги барча ходимлари ўша ҳудуддаги қўшни бинога ўтгани қайд этилди.

Исроилнинг Ғазо секторига 7 октябрдан бери давом этаётган ҳужуми оқибатида БМТнинг Яқин Шарқ агентлигининг 2 нафар ходими ва агентликнинг ўқув биноларида таҳсил олаётган 5 нафар Фаластин фуқароси ҳалок бўлди.