Исроилнинг Ғазо секторидаги мактабга уюштирган зарбаси оқибатида 18 киши, жумладан 6 нафар БМТ ходими ҳалок бўлди
ASTANA. Kazinform – Чоршанба куни Ғазо секторининг марказий қисмидаги Нусейрат қочқинлар лагеридаги минглаб фаластинликлар бошпана сифатида фойдаланиладиган мактабга уюштирилган зарба натижасида 18 киши, жумладан Бирлашган Миллатлар Ташкилотининг Яқин Шарқдаги Фаластинлик қочқинлар бўйича агентлигининг (UNRWA) олти ходими ҳалок бўлди. Бу ҳақда Aljazeera хабар берди.
Ҳужум Нусейрат қочқинлар лагеридаги Ал-Жауни мактабига қилинган. Гувоҳларнинг сўзларига кўра, ҳалок бўлганлар орасида лагерда яширинган фаластинлик аёллар ва болалар ҳам бор. UNRWAнинг олти нафар ходими, жумладан, UNRWA бошпана менежери ва кўчирилганларга ёрдам берган бошқа гуруҳ аъзолари ҳам ҳалок бўлгани хабар қилинган.
UNRWA агентлигининг маълум қилишича, 11 ойдан бери давом этаётган урушда бу уларнинг ҳодимлари "энг кўп ўлган” биринчи ҳолат.
Just Tragic.#Gaza
— UNRWA (@UNRWA) September 11, 2024
Six @UNRWA colleagues killed today when two airstrikes hit a school and its surroundings in Nuseirat in the middle areas.
This is the highest death toll among our staff in a single incident.
Among those killed was the manager of the UNRWA shelter and other…
БМТ агентлигига кўра, мактаб уруш бошланганидан бери 5 марта ўққа тутилган. 12 мингга яқин қочқинлар, асосан аёллар ва болалар у ердан бошпана топган.
UNRWA можаронинг барча томонларини ҳеч қачон мактаблар ёки уларнинг атрофидаги ҳудудлардан ҳарбий ёки жанговар мақсадларда фойдаланмасликка чақирди. Баёнотда мактаблар ва бошқа фуқаролик инфратузилмалари ҳар доим ҳимоя қилиниши кераклиги ва нишон эмаслиги таъкидланган.
“Ғазода ҳеч ким хавфсиз эмас. Ҳеч ким аямайди”, – дейди UNRWA ижтимоий тармоқларда.
Исроил Мудофаа Кучлари, мактаб ҳудудида қўмондонлик маркази ташкил этган ва у ердан ҳужумлар режалаштирган ХАМАС жангариларини нишонга олганини, тинч аҳолини ҳимоя қилиш учун чора кўрганини билдирди.
“Тинч аҳолига зарар етказиш хавфини камайтириш бўйича кўплаб чоралар кўрилди, жумладан, аниқ бошқариладиган ўқ-дорилар, ҳаводан кузатув ва қўшимча разведка маълумотларидан фойдаланилди”, - дейилади Исроил мудофаа кучлари баёнотида.
Исроил ҳарбийлари ХАМАСни фаластинлик тинч аҳолидан тирик қалқон сифатида фойдаланганликда айблайди, ХАМАС буни рад этади.
Бирлашган Миллатлар Ташкилоти Бош котиби Антониу Гуттериш мактабга қилинган ҳужумларни халқаро гуманитар ҳуқуқнинг жиддий бузилиши деб атади ва уларни зудлик билан тўхтатишни талаб қилди.
"Ғазода содир бўлаётган воқеалар мутлақо қабул қилиниши мумкин эмас", – деди Гуттериш.
What's happening in Gaza is totally unacceptable.
— António Guterres (@antonioguterres) September 11, 2024
A school turned shelter for around 12,000 people was hit by Israeli airstrikes again today.
Six of our @UNRWA colleagues are among those killed.
These dramatic violations of international humanitarian law need to stop now.
БМТ матбуот котиби Стефан Дюжаррикнинг айтишича, бу Ғазо марказидаги Нусейрат қочқинлар лагеридаги бир мактабга Ғазо уруши бошланганидан бери бешинчи ҳаво ҳужуми бўлди.
"Биз тинч аҳолига, шунингдек, БМТ объектларига қаратилган барча ҳаво ҳужумларини қоралаймиз", – деди Дюжаррик.
Ғазо секторидаги уруш 2023 йил 7 октябрда, Исроил ҳисобларига кўра, ХАМАС Исроилга ҳужум қилиб, 1200 кишини ўлдирган ва 250 га яқин кишини гаровга олган пайтда бошланган. Анклав соғлиқни сақлаш вазирлиги маълумотларига кўра, Исроилнинг Ғазо секторига кейинги ҳужуми 41 мингдан ортиқ фаластинликнинг ўлимига сабаб бўлган.
