Исроиллик жарроҳлар боланинг бошини «ички кесилганидан» кейин қайта тикди

ASTANA. Kazinform – Исроиллик жарроҳлар мўжиза кўрсатишга муваффақ бўлди – улар даҳшатли бахтсиз ҳодиса натижасида «ички боши кесилган» боланинг бошини қайта тикишга муваффақ бўлди, дея хабар беради Kazinform TPSга таяниб.

12 ёшли Сулаймон Хасанни велосипедда кетаётганида машина уриб кетди.

У «Хадасса» тиббиёт марказининг травма бўлимига вертолёт билан олиб келинганидан сўнг, шифокорлар унинг бош суягининг орқа қисмини ушлаб турган лигаментлар жиддий шикастланганини, натижада бош суяги юқори умуртқаларидан ажралиб кетганини аниқладилар.

«Ушбу жароҳат жуда кам учрайди, лекин биз биламизки, 4 ёшдан 10 ёшгача бўлган болаларнинг боши уларнинг танасига қараганда каттароқ бўлганлиги сабабли, улар катталарникига қараганда кўпроқ сезгир», - деди ортопед мутахассиси доктор Охад Эйнав.

Тадқиқотлар шуни кўрсатадики, болалар ва ўсмирларнинг ярмидан кўпи икки томонлама атлантооксипитал люксация деб ҳам аталадиган бу ҳолатдан омон қолмайди.

«Биз боланинг ҳаёти учун курашдик», - деб қўшимча қилди Эйнав. - Операция хонасида шикастланган жойда янги пластиналар ва фиксаторлардан фойдаландик. Биз ўз билимларимиз ва операция хонасидаги энг инновацион технологиялар туфайли болани сақлаб қолишга муваффақ бўлдик».

Хасанда ҳеч қандай неврологик ва ҳаракат касалликлари бўлмаган. Яқинда у касалхонадан чиқди. Лекин «Хаддаса» шифокорлари уни кузатишда давом этади.

Жорий йил март ойида Newsweek «Хадасса» тиббиёт марказини кетма-кет бешинчи йил онкология бўйича жаҳон етакчиси, ҳамда кардиология ва ақлли технологиялар бўйича дунёдаги энг яхши шифохоналардан бири деб тан олди.