Исроил ва Хамас ўртасидаги можарода ҳар икки томондан 2,3 минг киши ҳалок бўлди

Исроил ва Хамас ўртасидаги можарода ҳар икки томондан 2,3 минг киши ҳалок бўлди
Фото: Pexels

Сўнгги бир неча соат ичида Исроилнинг Ғазо секторига уюштирган ҳаво ҳужумларида 51 фаластинлик ҳалок бўлди, 281 нафари яраланди. Бу ҳақда Ғазо Соғлиқни сақлаш вазирлиги маълум қилди, деб хабар беради Каzinform агентлиги BBC Nеwсга таяниб.

Аввалроқ Фаластин томонида ҳалок бўлганлар сони 1100 нафардан ошгани хабар қилинганди.

Исроилда ХАМАС ҳужумлари оқибатида камида 1200 киши ҳалок бўлди.

Аввалроқ АҚШ, Исроил, БМТ ва Миср Ғазога ёрдам етказиш ва аҳолининг бир қисмини озод қилиш бўйича музокаралар олиб бораётгани хабар қилинганди.

Аммо ҳозирда Ғазода бирорта ҳам назорат пункти ишламаяпти.

ХАМАСнинг шанба кунги ҳужумидан сўнг Исроил билан чегарадаги барча назорат пунктлари ёпилди.

Кечагача Ғазо ва Миср ўртасидаги “Рафах” назорат пункти ишлаган.

Якшанба куни юк ташиш учун очилди. БМТ маълумотларига кўра, озиқ-овқат, ёқилғи ва қурилиш материаллари ортилган 200 га яқин юк машинаси ўтган.

Ҳар куни юзлаб одамлар у ердан ўтиши мумкин. Уларнинг барчаси аввал рухсат олишлари керак.

БМТ маълумотларига кўра, душанба куни Ғазо секторини 800 га яқин одам тарк этган, 500 га яқин одам эса унинг ҳудудига кирган.

Ғазо расмийлари ва Миср манбаларининг Reuters агентлигига маълум қилишича, назорат-ўтказиш пункти ҳаводан ҳужумга учраган.

Воқеа жойидан олинган кадрларда юк машиналарининг Мисрга қайтиб кетаётганини кўриш мумкин.

Ўшандан бери назорат-ўтказиш пункти ёпилган.

Сўнгги хабарлар
telegram