Исроил Ливанга ҳаво ҳужумларини бошлади

ASTANA. Kazinform – Исроил авиацияси Ливандаги Ҳизбуллоҳ позицияларига бир қатор ҳаво ҳужумларини амалга оширди. Бу ҳақда «The Times of Israel» нашри хабар берди.

Исроил армияси Ливан жанубидаги Жиббин шаҳри яқинидаги бир қанча ҳарбий инфратузилма объектларида Ҳизбуллоҳ қуролли гуруҳлари аъзолари борлигини иддао қилди ва бу объектларни йўқ қилиш учун ҳаво ҳужумлари уюштирилганини эълон қилди.

Исроил ҳаво кучлари Ливан жанубидаги Кафр Қиллаҳ, Ҳалта, Шама ва Эл-Эдейсе аҳоли пунктлари атрофидаги Ҳизбуллоҳ нишонларига ҳужум қилди. Ҳужум нуқталари орасида ракеталар ва ҳарбий инфратузилма объектлари борлиги тахмин қилинмоқда.

“Исроил мудофаа кучлари шимолдаги хавфсизликни таъминлаш устида ишламоқда, бу эса аҳолига ўз уйларига қайтиш ва бошқа барча ҳарбий мақсадларга эришиш имконини беради”, – дейилади баёнотда.

Исроил Ливан билан чегарасида Ҳизбуллоҳ ракеталари ва учувчисиз учиш аппаратлари ҳужумидан сўнг икки аскарининг ҳалок бўлганини эълон қилди.

Ҳизбуллоҳ етакчиси Ҳасан Насруллоҳ Исроил Ливан халқи ва мамлакат суверенитетига қарши уруш эълон қилганини таъкидлади.

Эслатиб ўтамиз, Ливанда пейжерлар портлаши оқибатида юзлаб “Ҳизбуллоҳ” аъзолари жароҳатланган эди.

Ливанда пейджерлардан кейин рация ва бошқа техникалар портлади.