Испанияда ўтказилган махсус операция давомида 32 тонна марихуана мусодара қилинди

ASTANA. Kazinform – Испания фуқаролик гвардияси рекорд миқдордаги гиёҳванд моддаларни – 32 тонна марихуанани мусодара қилди, дея хабар беради Kazinform euronewsга таяниб.

Испания фуқаролик гвардияси 27 октябр куни Толедо, Сьюдад-Реаль, Валенсия ва Астурия шаҳарларида «Operacion Jardines» махсус операциясини ўтказди. Тадбир давомида 20 киши ҳибсга олинди, улардан 9 нафари эркак, қолган 11 нафари эса аёл.

Мусодара қилинган гиёҳванд моддалар қайта ишлашнинг турли босқичларида бўлган. Улар орасида Испания, Голландия, Германия ва Бельгияда савдо қилиш учун қадоқланган пакетлар мусодара қилинди.