Испания тўпга эгалик қилиш бўйича жаҳон чемпионатларининг рекордини ўрнатди

ASTANA. Kazinform – Қатарда бўлиб ўтаётган футбол бўйича жаҳон чемпионатида Испания терма жамоаси рекорд натижага эришди, деб хабар беради Kazinform мухбири.

Коста-Рикани 7:0 ҳисобида мағлуб этган Испания тўпга эгалик қилиш бўйича жаҳон чемпионатларининг рекордини ўрнатди.

Бу ўйинда Луис Энрике шогирдлари тўпга 81,7 фоиз эгалик қилишди. Бунгача жаҳон чемпионати рекорди Аргентинага тегишли эди. Аргентиналиклар 2010 йилги чемпионатда Грецияга қарши ўйинда 80,3 фоиз тўпга эгалик қилишган. Учинчи кўрсаткич испанларга тегишли. Улар 2018 йилда Россия билан рақобатда 78,9 фоиз тўпни қўлга киритишди.

Шунингдек, Коста-Рикага қарши ўйинда испаниялик ярим ҳимоячи Гави (18 ёш, 110 кун) 1958 йилги чемпионатдан бери турнирда гол урган энг ёш футболчига айланди.

Жаҳон чемпионатлари тарихида бор-йўғи икки футболчи Гавидан олдинда. Бири - футбол қироли Пеле (17 ёш 249 кун) 1958 йилги чемпионатда кўзга тушиган бўлса, иккинчиси - мексикалик Мануэл Росас (18 ёш 93 кун) 1930 йилда гол урди.

Эслатиб ўтамиз, аввалроқ Германия терма жамоаси Японияга имкониятни бой бергани ҳақида хабар берилган еди.

Муаллиф: Ғайсағали Сейтақ