Исмоил Хониянинг ўлдирилиши: Туркия, Эрон, Яман хусийлари ва “Ҳизбуллоҳ” Исроилга таҳдид қилмоқда
Пезешкиан, шунингдек, "террорчи босқинчилар ўзларининг қўрқоқ ҳаракатларидан пушаймон бўлишади", - деб қўшимча қилди.
Эрон олий раҳнамоси Али Хоманаий Хониянинг ўлими учун Исроилни “қаттиқ жазолаш” Теҳроннинг бурчи эканлигини айтди.
Яман хусийлари вакиллари ҳам Хониянинг ўлдирилиши ҳақида гапирди. Улар ХАМАС етакчисининг ўлдирилишини “жирканчли террорчилик жинояти” ва “қўпол қонунбузарлик” деб атади. Шу билан бирга, яманлик хусийларнинг ўзлари сўнгги ойларда Қизил денгиз ва Адан кўрфазидаги кемаларни Исроил портларига боғлаб қўймаслик учун ракеталардан ўққа тутмоқда.
“Ҳизбуллоҳ” террор ташкилоти Хониянинг ўлдирилишидан кейин аллақачон Исроилга қарши таҳдидлар қилган. Унинг ўлими, “Ҳизбуллоҳ”нинг таъкидлашича, "Исроилга қаршиликни янада қатъийроқ қилади".
Бундан ташқари, Туркия Ташқи ишлар вазирлиги ҳам расмий изоҳ берди. Туркия Ташқи ишлар вазирлиги вакилининг сўзларига кўра, “Хониянинг шармандали ўлдирилиши Ғазодаги урушни халқаро миқёсда кенгайтиришга қаратилган”.
Исроил Маданий мерос вазири Амихай Элиягу, ўз навбатида, Хониянинг ўлдирилишидан хурсандлигини яширмади.
"Бу дунёни ахлоқсизликдан тозалашнинг ишончли усули. Хониянинг ўлими дунёни бироз яхшилайди”, — деб ёзди у Х ижтимоий тармоғида.
Худди шундай фикрни ХАМАС жангарилари Ғазо секторига олиб кетган Матан Зангаукернинг онаси Эйнав Зангаукер ҳам билдирди.
Бирлашган Миллатлар Ташкилоти ва НАТО ҳозирча Исмоил Хония қотиллигига муносабат билдирмаган.
Теҳронда ўлдирилган Фаластин қаршилик ҳаракати сиёсий бюроси раҳбари Исмоил Хония Фаластинни мустақил давлат сифатида тан олишга интилаётган кучли прагматист сифатида танилган эди. Айнан у Исроил билан ўт очишни тўхтатиш бўйича музокаралар олиб боришга масъул эди.
Эслатиб ўтамиз, 2024 йилнинг 31 июлида Эрон давлат ОАВлари Хония Эронда ўлдирилгани ва у ерда у сайланган президент Масъуд Пезешкианнинг инаугурациясида иштирок этгани ҳақида хабар берган эди.
