Исландиянинг жануби-ғарбий қисмида вулқон отилмоқда
Аввалроқ Гриндавик балиқчилар шаҳарчасидан 4 мингга яқин одам эвакуация қилинган, яқин атрофдаги “Мовий лагуна” геотермал курорти ёпилган эди.
Исландия метеорология бошқармаси маълумотларига кўра, отилиш маҳаллий вақт билан 22:17 да Гриндавикдан 4 километр шимоли-шарқда бошланган. Мутахассисларнинг қўшимча қилишича, сейсмик фаоллик шаҳар томон ҳаракатланмоқда.
Вулқондаги ёриқнинг узунлиги тахминан 3,5 километрни ташкил этади, лава секундига 100-200 кубометр тезликда оқади, дея қўшимча қилди департамент.
Исландия метеорология бюроси таъкидлаганидек, бу сўнгги йилларда Рейкьянес яриморолидаги вулқон отилиши сонидан бир неча баробар кўпдир.
Октябрь ойи охиридан бери мамлакат пойтахти Рейкьявик яқинидаги минтақада сейсмик фаоллик кучайган, у ерда минглаб ерости силкинишлари қайд этилган.
Исландия метеорология бюроси маълумотларига кўра, портлашнинг аниқ жойи ва ҳажмини тасдиқлаш учун ҳудудга қирғоқ қўриқлаш вертолёти жўнатилди.
