Ишончли иттифоқчи ва ҳамкор – Россия Федерацияси Элчихонаси Қозоғистонни Республика куни билан табриклади
Россиянинг Қозоғистондаги Элчихонаси Қозоғистон халқини Республика куни муносабати билан табрик эълон қилди, деб хабар беради Кazinform агентлиги
— Ҳурматли қозоғистонлик дўстлар, Республика куни муносабати билан самимий табрикларимизни қабул қилинг! Россия учун Қозоғистон қўшни, савдо-иқтисодий муносабатларда иштирок этувчи давлатгина эмас. Қозоғистон - ишончли иттифоқчи ва интеграцион ҳамкор, Россия Федерацияси унинг суверенитети, мустақиллиги ва ҳудудий яхлитлигини қўллаб-қувватлайди ва керак бўлса, уни ҳимоя қилишга ёрдам беришга тайёр, — дейилади баёнотда.
Элчихона Қозоғистон иқтисодиётининг ташқи сиёсат соҳасидаги ривожланиши ва муваффақияти икки давлатнинг стратегик шериклиги манфаатларига мос келишини қайд этди.
— Қозоғистоннинг ишончли ривожланиши, иқтисодий кўрсаткичларининг ўсиши, ташқи сиёсат майдонидаги муваффақиятлари ва бошқа кўплаб соҳаларда эришаётган ютуқлари қувонарлидир. Бу икки давлатнинг стратегик шериклигининг умумий манфаатларига жавоб беради ва минтақа ҳамда хусусан Евроосиё маконининг барқарорлигига жуда муҳим ҳисса қўшади. Қозоғистон халқи ўз она юртини қанчалик қадрлашини, Президент Қасим-Жомарт Тоқаев раҳбарлигида янги Қозоғистонни барпо этишни қанчалик қунт билан бошлаганини биламиз. Қардош Қозоғистон халқига фаровонлик, тинчлик ва янги ютуқлар тилаймиз, дейилади табрикда.
