Ирландиялик баскетболчи қизлар исроиллик рақиблари билан қўл бериб кўришмади

ASTANA. Kazinform – Баскетбол бўйича Ирландия аёллар терма жамоаси 2025 йилда Латвия пойтахти Рига шаҳрида бўлиб ўтадиган Европа чемпионати саралаш баҳси олдидан Исроил терма жамоаси аъзолари билан қўл бериб кўришмасликка қарор қилди, деб хабар беради Каzinform агентлиги BBCга таяниб.

Манбага кўра, Ирландия жамоаси спортчилари ўйин олдидан мадҳиялар янграётган пайтда ҳам аренага чиқмаган.

Шунингдек, 5 нафар ирландиялик баскетболчи баҳсда иштирок этишдан бутунлай бош тортган.

Қайд этилишича, ирландияликлар ўйиндан аввал ташкилотчиларни юқоридаги ҳолат бўйича огоҳлантирган.

Ғазо секторидаги воқеалар туфайли Исроилдан нейтрал майдонга кўчирилган учрашув 87:57 ҳисобида Исроил фойдасига ҳал бўлди.