Ион денгизида бортида 237 йўловчи бўлган кема ёниб кетди

NUR-SULTAN. Kazinform – Бугун, жума куни Ион денгизида бортида 237 йўловчи бўлган лайнер ёниб кетди, деб хабар беради Kazinform France-Presseга таяниб.

«Бортда 51 нафар экипаж аъзоси бўлган. Маҳаллий полиция маълумотларига кўра, воқеа жойига учта патрул катери ва учта қирғоқ қўриқлаш кемаси юборилган.

Ҳодиса Грециянинг Корфу ороли қирғоқларида содир бўлган.

Дастлабки маълумотларга кўра, ҳеч ким жабрланмаган. Ёнғин сабаблари ҳозирча номаълум, ҳодиса сабаблари ўрганилмоқда.