Индонезияда 5,4 магнитудали зилзила юз берди

ASTANА. Кazinform — Индонезиянинг Ачех провинциясида 5,4 магнитудали зилзила содир бўлди, дея хабар беради “РИА Новости”.

Сейсмология ва метеорология агентлиги маълумотларига кўра, мамлакатнинг Ачех провинциясида 10 километр чуқурликда 5,4 магнитудали зилзила содир бўлган.

— Зилзила Ғарбий Индонезия вақти билан 09:58 да (Москва вақти билан 5:58) содир бўлди, — дейилади агентлик хабарида.

Сейсмологларнинг айтишича, цунами эҳтимоли йўқ. Зилзила эпицентри қуруқликда, 10 километр чуқурликда жойлашган.

Эслатиб ўтамиз, Мьянмадаги зилзила қурбонлари сони 700 нафарга яқинлашгани ҳақида хабар берган эдик.