Индонезия шарқида 28 йўловчиси бўлган кема ғойиб бўлди

Қутқарувчилар чоршанба куни Индонезия шарқидаги Ғарбий Сулавеси провинциясидаги Мамужу қирғоқларида бедарак йўқолган 28 киши бўлган қайиқни қидирмоқда.

Бу ҳақда пайшанба куни маҳаллий ОАВга Мамужу қутқарув хизмати раҳбари Муҳаммад Ризал маълум қилди, деб хабар беради Kazinform агентлиги Синьхуага таяниб.

Унинг айтишича, ичида тўй нишонлаётган 28 киши бўлган кема Амбо оролида алоқа узилган. Воқеа ҳақидаги хабар чоршанба куни кечқурун Ризалнинг офисига келиб тушган.

Кема маҳаллий вақт билан соат 10:00 атрофида Амбо оролини тарк этиб, соат 16:00да Мамужудаги Сумаре портига қайтиши керак эди.

Унинг айтишича, Амбо оролига қутқарув гуруҳи юборилган.