Ҳиндистон лоукостери Деҳлидан Алматига тўғридан-тўғри рейсларни йўлга қўйди

ASTANA. Kazinform – ҚР Маданият ва спорт вазирлиги ҳамда «НК Kazakh Tourism» АЖ кўмагида Ҳиндистоннинг йирик IndiGo авиакомпанияси Деҳли-Алмати-Деҳли тўғридан-тўғри рейсини йўлга қўймоқда. Ушбу ўналиш бўйича парвозлар сентябр ойи охирида бошланади ва ҳафтада уч марта амалга оширилади, деб хабар беради Kazinform.

Маданият вазирлигидан маълум қилишларича, мазкур рейс Ҳиндистоннинг 75 дан ортиқ йўналишлари ҳамда Осиёнинг йирик шаҳарларига парвозларни амалга оширувчи авиакомпания учун 32-чи халқаро тўғридан-тўғри йўналиш бўлади. Авиакомпания, шунингдек, код-шеринг шериклари орқали Европа ва Шимолий Америкада катта тармоққа эга.

«Хорижий авиакомпаниялар билан мунтазам равишда янги тўғридан-тўғри рейсларни йўлга қўйиш бўйича музокаралар олиб борилмоқда. Охирги пайтларда Қатар, Миср ва Хитойга парвозлар частотаси ортди. Хорижий компаниялар Қозоғистонга катта қизиқиш билдирмоқда. Масалан, жорий йилнинг ёзида Уммоннинг Salam Air авиакомпанияси Алмати-Маскат йўналиши бўйича ҳафтасига 2 марта тез-тез учадиган рейсларни йўлга қўйди, — деди ҚР Маданият ва спорт ишлари вазирлиги расмий вакили Мўлдир Абдуалиева.