Илк мультимодаль юк ташиш Трансафғон йўлаги орқали амалга оширилди
ASTANA. Kazinform - «KTZ Express» ва «QazTrade» АЖ Покистоннинг логистика оператори «National Logistics Corporation» билан ҳамкорликда Трансафғон йўлаги орқали илк мультимодаль юк ташувини амалга оширди. Бу ҳақда «Қазақстан темір жолы» компанияси маълум қилди, дея хабар беради Kazinform агентлиги мухбири.

- «KTZ Express» акциядорлик жамияти ва «QazTrade» АЖ экспорт салоҳиятини ривожлантириш бўйича ҳамкорлик доирасида Покистоннинг логистика оператори «National Logistics Corporation» билан ҳамкорликда Афғонистон ва Покистон орқали Жабал Али (БАА) портига мультимодаль юк ташувини синовдан ўтказди” , - дейилади компания хабарида.
“Павлодар” махсус иқтисодий зонасида транспорт занжири 27 апрелдан бошланди. Маҳсулотлар 21 тонналик иккита автомашинага ортилиб, Жетиген транспорт-логистика марказигага жўнатилди. Юк 40 футлик иккита денгиз контейнерига кўчирилди. Контейнерлар юк машиналарида Покистоннинг Карачи портига жўнатилди.
Юк 4900 километр йўл босиб, 20 кун ичида Карачига етиб борди. 1 июнь куни контейнерлар кемага ортилган, 3 июнь куни эса Жабал Али портига етказилган.
Юк ташиш муддати 38 кунни ташкил этди. Июнь-июль ойларида йўналиш бўйлаб жами 60 та контейнер ташиш режалаштирилган.