Илк АЭС қиймати 14 миллиард доллар бўлиши мумкин – Алмасадам Сатқалиев

ASTANА. Кazinform – ҚР Атом энергияси агентлиги раиси Алмасадам Сатқалиев мамлакатда қуриладиган илк АЭСнинг смета қийматини айтди.

- Қиймати техник-иқтисодий асослаш асосида аниқланади. Энди бизда сотувчилар томонидан тақдим этилган индикатив ўлчамлар мавжуд. Биз бу таклифларни ҳозир эълон қила олмаймиз. Чунки у расмий келишувлар билан ҳимояланган. Умуман олганда, жаҳон тажрибасидан келиб чиққан ҳолда, бундай даражадаги станциянинг қиймати қарийб 14 миллиард долларни ташкил этади, – деди Алмасадам Сатқалиев.

У, шунингдек, Хитой иккинчи АЭСни қуриши ҳақидаги маълумотга изоҳ берди.

– АЭС қурилиши билан боғлиқ ҳар бир лойиҳа ўзига хос хусусиятга эга. Барчасининг малакаси ва муҳим тажрибаси бор. Биринчи лойиҳа учун «Росатом»ни танлашимиз қурилиш даври учун таклиф қилинган вариант билан боғлиқ эди. Эҳтимол, Хитой томони билан музокаралар олиб борилгандан кейингина иккинчи атом электр станциясини қуриш ҳақида гапириш мумкин бўлади, — деди агентлик раиси.

Шунингдек, у битта атом электр станциясини қуриш учун ўртача 7 йил вақт кетишини айтган эди.

Аввалроқ Атом энергияси агентлиги ва «Росатом» АЭС қуриш бўйича йўл харитасини тасдиқлаган эди.