Иқтисодиёт барқарор ривожланмоқда: Алихан Смаилов Қозоғистон халқини Янги йил билан табриклади

Иқтисодиёт барқарор ривожланмоқда: Алихан Смаилов Қозоғистон халқини Янги йил билан табриклади
Фото: Kazinform

ҚР Бош вазири Алихан Смаилов Қозоғистон халқини Янги йил билан табриклади, дея хабар беради Каzinform Ҳукукумат матбуот хизматига таяниб.

“Ҳурматли Қозоғистон фуқаролари!

Барчангизни кириб келган 2024 йил билан чин қалбимдан табриклайман! Янги йил - бу ўтмишни саралаш ва келажакка йўналиш яратиш учун имкониятдир, чунки биз ушбу байрам билан ўзимизнинг юксак умидларимиз ва юксак орзуларимизни боғлаймиз.

2023 йил кўплаб фуқароларга улкан муваффақият ва ютуқлар олиб келди. Ўтган йил мамлакатимиз учун ёрқин ташаббусларга бой бўлди.

Иқтисодиёт барқарор ривожланмоқда. Ишбилармонлик муҳити фаол ривожланмоқда, саноат ва инфратузилма лойиҳалари амалга оширилмоқда. Қозоғистон хорижий инвесторлар учун жозибадор бўлиб қолмоқда ва Марказий Осиё минтақасида тўғридан-тўғри хорижий инвестициялар оқими бўйича сўзсиз етакчи ҳисобланади.

Давлат раҳбари Қасим-Жомарт Тоқаевнинг мамлакатни ижтимоий-иқтисодий ривожлантириш, қозоғистонликларнинг фаровонлиги ва турмуш сифатини оширишга оид кенг кўламли топшириқларини амалга оширишда самарали ишлар амалга оширилди.

2024 йил - янги ташаббуслар ва уларни амалга ошириш даври.

Йил қандай ўтади, биз нима кутмоқдамиз, аксарият ҳолларда ўзимизга боғлиқ. Биз нафақат яқинларимизни хурсанд қилиш, балки юртимиз равнақига ҳисса қўшиш қудратига эгамиз.

Янги йилда ўтган йилнинг энг яхши анъаналари ва ютуқларини, тинчлик ва ҳамжиҳатликни, ўз кучимизга ва Қозоғистон келажагига ишонч билан юриш муҳим.

Барчангизга чин дилдан сиҳат-саломатлик, яхши кайфият ва барча режаларингиз амалга ошишини тилайман!”, — дейилади Бош вазир табригида.

Сўнгги хабарлар
telegram