Ибрагим Магомадов иккинчи бор Осиё чемпионатида бронза медалини қўлга киритди

ASTANА. Кazinform — Иордания пойтахти Амман шаҳрида ўтказилаётган Осиё чемпионатида юнон-рум кураши бўйича Ибрагим Магомадов бронза медалини қўлга киритди.

77 кг вазн тоифасида қозоғистонлик курашчи иорданиялик Амро Садеҳ билан беллашди.

Гиламдаги ҳакам дастлаб И.Магомадовни партерга турғизди ва маҳаллий курашчи 3:0 ҳисобида олдинга чиқиб олди. Бироқ иккинчи раундда Ибрагим рақибига имконият қолдирмай, курашни эрта, 11:3 ҳисобида якунлашга муваффақ бўлди.

Шу тариқа, И.Магомадов спорт фаолиятида иккинчи бор Осиё чемпионатида бронза медалини қўлга киритди. У илгари олтин ва кумуш медални ҳам қўлга киритган эди.

Эслатиб ўтамиз, аввалроқ қозоғистонлик эркин кураш усталари Албаниядаги турнирда 3 та медални қўлга киритганлиги ҳақида хабар берган эдик.