Хусийлар фақат Исроил кемаларига ҳужум қилишни давом эттиради
Яман хусийлари Қизил денгиздаги кемаларга ҳужум қилишни тўхтатишларини маълум қилишди, Исроил билан боғлиқ бўлганлар бундан мустасно, гуруҳ ҳозирча ҳужумни давом эттиради, деб хабар беради Каzinform мухбири.
Қарор Яман хусийлар гуруҳи “Ансор Аллоҳ” томонидан хусийлар кучлари ва тижорий юк ташиш операторлари ўртасидаги алоқа бўлган Гуманитар мувофиқлаштириш маркази орқали эълон қилинди.
Юк ташиш саноати расмийларига юборилган электрон почта хабарида айтилишича, хусийлар АҚШ ёки Буюк Британия жисмоний ёки юридик шахсларига тегишли ёки байроқ остидаги кемаларга қарши "санкциялар" ни тўхтатмоқда.
— Биз тасдиқлаймизки, Яман Республикасига Америка Қўшма Штатлари томонидан ҳар қандай тажовуз содир бўлса, Бирлашган Қироллик... тажовузкорга қарши санкциялар тикланади. Агар улар амалга оширилса, сизга бундай чоралар тўғрисида дарҳол хабар берилади, — дейилади электрон мактубда.
Яманлик хусийлар, бу қарор Исроил ва ХАМАС ўртасидаги ўт очишни тўхтатиш ва гаровга олинганларни озод қилиш бўйича келишув асосида қабул қилинганини қайд этди.
Исроил кемаларига келсак, Гуманитар мувофиқлаштириш маркази Ғазо секторида ўт очишни тўхтатиш бўйича "келишувнинг барча босқичлари" тўлиқ амалга оширилгандан сўнг Исроил билан боғлиқ кемаларга ҳужум қилишни тўхтатишини айтди.
Душанба куни Яманнинг “Ансор Аллоҳ” ҳаракати етакчиси Абдул-Малик ал-Хусий Фаластин халқини “Исроил агрессияси устидан қозонилган ғалаба” билан табриклади, деб хабар беради AlMayadeen.
Унинг сўзларига кўра, Яман Ғазо секторида ўт очишни тўхтатиш келишуви амалга оширилишини диққат билан кузатиб бормоқда.
— Бармоғимиз тетикда, — деб таъкидлаган ал-Хусий ва Исроилнинг Ғазо секторида ўт очишни тўхтатиш келишуви шартларига риоя қилишига ишора қилиб, “Қаршилик кўрсатиш амалиётларини қайта бошлаш душманнинг келишувга риоя қилишига боғлиқ” деб таъкидлади.
2023 йил ноябрь ойидан бери Яман хусийлари Ғазо секторидаги фаластинликларни қўллаб-қувватлаш ва бирдамлик мақсадида Қизил денгиз транспорт йўлаклари орқали сузиб юрувчи кемаларга мунтазам равишда ҳужум қилиб келмоқда. Бундан ташқари, Яманнинг хусийлари Исроил ҳудудига мунтазам равишда ракета ва учувчисиз учоқлар отган.
Эслатиб ўтамиз, аввалроқ Яман хусийлари Исроилнинг нефть омбори ва портига берган зарбаларига жавобан Эйлатга қарата ўт очгани ҳақида хабар берган эдик.
Муаллиф: Арсен Ўтешев
