Ҳукуматлараро комиссия йиғилишида Қозоғистон-Туркманистон ҳамкорлигини ривожлантириш истиқболлари муҳокама қилинди
ASTANA. Kazinform - Жорий йил 2 октябрда Ашхобод шаҳрида Қозоғистон Бош вазири ўринбосари – Ҳукумат аппарати раҳбари Ғалимжан Қойшибаев ва Туркманистон Вазирлар Маҳкамаси Раисининг ўринбосари Ботир Атдаев раислигида Иқтисодий, илмий-техникавий ва маданий ҳамкорлик бўйича Қозоғистон-Туркия ҳукуматлараро комиссиясининг 13-мажлиси бўлиб ўтди.
Учрашувда томонлар 2023 йил май ойида Астана шаҳрида бўлиб ўтган комиссия йиғилиши доирасида муҳокама қилинган масалалар юзасидан фикр алмашдилар. Савдо-иқтисодий ҳамкорликни, саноат кооперациясини, қишлоқ хўжалиги, транспорт-логистика, молия, таълим ва маданият соҳаларида ҳамкорликни ривожлантириш истиқболларига эътибор қаратилди. Икки мамлакатнинг нефть-газ соҳасида яқинлашув имкониятлари ва минтақалараро ҳамкорлик масалалари алоҳида таъкидланди.
Ғалимжан Қойшибаев Комиссия ишини бўлажак олий даражадаги учрашувларга пухта тайёргарлик кўришга қаратиш зарурлигини таъкидлади.
Томонлар қабул қилинган қарорлар ҳамкорликнинг барча соҳаларида икки томонлама муносабатларни янада мустаҳкамлаш ва чуқурлаштиришга хизмат қилишига ишонч билдирди.
Йиғилиш якунлари бўйича тегишли баённома имзоланди.
