Ҳукуматда Миллий таълим маълумотлар базасини модернизация қилиш борасидаги ишлар кўриб чиқилди
ASTANА. Кazinform – Қозоғистон Республикаси Бош вазирнинг биринчи ўринбосари Нурлибек Налибаев Миллий таълим маълумотлар базасини модернизация қилиш масалалари бўйича кенгаш ўтказди. Бу ҳақда Ҳукумат матбуот хизмати хабар берди.
Кенгашда Таълим-маориф вазири ва "Қазақтелеком" АЖ бошқаруви раисининг Миллий таълим маълумотлар базасини модернизация қилиш борасидаги ишлар ва унинг асосида Миллий таълим платформасини ривожлантириш бўйича амалга оширилаётган ишлар ҳақидаги ҳисоботи тингланди.
Чимкент, Туркистон, Ақтўбе ва Алмати вилоятлари ҳокимларининг ўринбосарлари ҳудудлардаги таълим ташкилотларини рақамлаштириш бўйича амалга оширилаётган ишлар ҳақида ҳисобот беришди.
Янгиланган тизим орқали 1-синфга қабул қилиш учун 490 мингдан ортиқ ариза онлайн тарзда топширилди. Техник, ўрта махсус ва касб-ҳунар таълими ташкилотларига қабул жараёни тўлиқ автоматлаштирилди. Натижада 220 мингдан ортиқ абитуриент коллежларга қабул қилинди.
Нурлибек Налибаев Миллий таълим платформасининг жорий этилиши нафақат аҳолига таълим соҳасидаги давлат хизматларини автоматлаштиришни таъминлаш, балки бюджет маблағларини сезиларли даражада тежаш ва тежалган маблағларни таълим соҳасидаги бошқа эҳтиёжларга йўналтириш имконини беришини таъкидлади.
Кенгаш натижаларига кўра, тегишли давлат идораларига тегишли топшириқлар берилди.
Эслатиб ўтамиз, Янги Конституция таълим соҳаси зиммасига янги вазифалар юклайди.
