Ҳукумат иссиқ ва ёмғирдан зарар кўрган фермерларга қандай ёрдам беради

ҚР Бош вазири Алихан Смаилов раислигида Иқтисодиётни модернизация қилиш бўйича давлат комиссияси маҳаллий қишлоқ хўжалиги маҳсулотлари ишлаб чиқарувчиларни қўллаб-қувватлаш чора-тадбирларини кўриб чиқди, дея хабар беради Kazinform агентлиги Ҳукуматга таяниб.

Давлат раҳбарининг жорий йилги ноқулай об-ҳаводан жабр кўрган қишлоқ хўжалиги маҳсулотлари ишлаб чиқарувчиларини зарур қўллаб-қувватлаш тўғрисидаги топшириғи ижроси доирасида қуйидаги чора-тадбирларни амалга оширишни тавсия этилади:

— форвард хариди доирасида “Озиқ-овқат корпорацияси”нинг харид нархини 3-синф буғдой учун 120 минг тенге ва 4-синф буғдой учун 105 минг тенге миқдорида белгилаш;

— форвард харид ва товар кредити бўйича фермерга ўз мажбуриятларини пеня тўловларисиз нақд пул билан ёки 1,05 фоиздан 5 фоизгача нисбатда 3-синф буғдойни 4-синфга алмаштириш йўли билан бажаришига рухсат бериш;

— ўз мажбуриятларини бажара олмаган қишлоқ хўжалиги маҳсулотлари ишлаб чиқарувчилар учун 3 фоиз миқдорида банк фоизларини тўлаш орқали шартнома муддатини 1 йилга узайтириш.

Муҳокама якунларига кўра, давлат комиссияси аъзолари таклиф этилган чора-тадбирларни қўллаб-қувватлади.

Бош вазир ваколатли давлат органларига зудлик билан қишлоқ хўжалиги маҳсулотлари ишлаб чиқарувчиларни қўллаб-қувватлаш бўйича ишларни бошлаш бўйича топшириқ берди.