Ҳукумат бу йилги экиш мавсумига қанча маблағ ажратди

ASTANA. Kazinform - Ҳукумат раҳбари Олжас Бектенов экиш мавсумига тайёргарлик ҳақида гапириб, вазирлик ва ҳокимликларга вазифаларни юклади.

“Баҳорги экиш ишларини таъминлаш бўйича Ҳукумат томонидан зарур чоралар кўрилди. Бунинг учун 140 миллиард тенге ажратилди. Форвард харид қилиш дастури ҳам давом этади, бу йил учун 40 миллиард тенге режалаштирилган. Менинг буюртмам бўйича қўшимча миқдорда дизель ёқилғиси ажратилди”, - деди Олжас Бектенов Ҳукумат йиғилишида.

Бундан ташқари, Бош вазир ўғит билан таъминлаш масаласини ҳам кўтарди.

“Шу билан бирга, фермерлардан агротехнологияларга қатъий риоя қилиш, ўғит ва ўсимликларни ҳимоя қилиш воситаларидан ўз вақтида фойдаланиш каби қарши мажбуриятларни бажаришини кутамиз. Экиш пайтида узоқ муддатли об-ҳаво прогнозини ҳисобга олиш керак. Қишлоқ хўжалиги вазирлиги вилоятлар ҳокимликлари билан биргаликда баҳорги экиш ишларини ўз вақтида ўтказиш учун барча зарур чора-тадбирларни кўрсин”, - деди у.