Хорватияда президентлик сайловларида Зоран Миланович ғалаба қозонди
ASTANA. Kazinform - Хорватияда президентлик сайловларининг иккинчи босқичида амалдаги президент Зоран Миланович олдинда. Буни exit poll натижалари тасдиқлайди. Миланович 70 фоиздан кўпроқ овоз олди, деб ёзади Euronews.

Ҳукмрон Хорватия демократик иттифоқ партияси томонидан қўллаб-қувватланган асосий рақиб Драган Приморац 26 фоизга яқин овозни қўлга киритди.
“Exit poll натижаларига кўра Зоран Миланович президентлик сайловининг иккинчи босқичида ишончли тарзда ғалаба қозонди. Миланович 73 фоиз, унинг рақиби Драган Приморац эса 26 фоиз овоз олди”, - дейди Душан Илич.
Унинг сўзларига кўра, иккинчи давра олдидан ўтказилган сўровномалар Милановичнинг ғалабасини башорат қилган, бироқ биринчи турда бўлгани каби, бу ғалаба қанчалик аниқ бўлишини тўғри баҳолай олмаган. Миланович 16 фоиз кўп, Приморац 6 фоиз кам овоз олди.
“Ушбу сайловдаги ғалаба туфайли Зорам Миланович Хорватиянинг тарихда қайта сайланган учинчи президенти бўлди. Ундан олдин буни фақат Франьо Туджман ва Стип Месич қила олди”, - дея қўшимча қилди Душан Илич.
Аввал хабар берганимиздек, 29 декабрда бўлиб ўтган биринчи турда Зоран Миланович бошқа етти нафар номзодга қарши 49,7 фоиз овоз тўплади, бу мутлақ ғалаба учун зарур бўлган бюллетенларнинг ярмидан бир оз камроқдир.